កាតា៖ អតីតកីឡាករជម្រើសជាតិអេស្ប៉ាញ និងក្លិបបាល់ទាត់ Bayern Munich, Javi Martinez បានយល់ព្រមចុះកិច្ចសន្យាព្រមព្រៀងផ្ទេរមកកាន់លីគកំពូលកាតារយៈពេលមួយរដូវកាលជាមួយក្លិបបាល់ទាត់ Qatar SC យោងតាមការប្រកាសរបស់ជាផ្លូវការរបស់ក្លិបនៅលើបណ្តាញសង្គម Twitter។
នេះគឺជាដំណើរថ្មីមួយទៀតសម្រាប់កីឡាករវ័យ ៣២ឆ្នាំរូបនេះ ដែលកន្លងមកគេក៏ធ្លាប់មានសេចក្តីរាយការណ៍ថាកីឡាកររូបនេះ ធ្លាប់មានទំនាក់ទំនងជាមួយក្លិបចាស់របស់គេគឺ Athletic Bilbao ផងដែរ ប៉ុន្តែការចរចាមិនបានសម្រេច។
កីឡាករ Javi Martínez ធ្លាប់ប្រកបអាជីពជាមួយក្លិបមួយចំនួននៅអឺរ៉ុបដូចជា Athletic Bilbao (ឆ្នាំ២០០៦-២០១២) ធ្លាប់បានជើងឯករងពាន UEFA Europa League ម្តងនៅឆ្នាំ២០១២ ប្រកបអាជីពជាមួយ Bayern Munich (ឆ្នាំ២០១២-២០២១) ឈ្នះពាន Bundesliga ចំនួន៩រដូវកាលជាប់គ្នា ឈ្នះពាន UEFA Champions League ២លើកផងដែរ។ ដោយឡែកជាមួយក្រុមជម្រើសជាតិអេស្ប៉ាញវិញ Javi Martínez ឈ្នះពាន FIFA World Cup ២០១០ និងឈ្នះពាន UEFA European Champioship ២០១២ផងដែរ។ ដោយឡែក ការមកដល់ Qatar SC នេះ Javi Martinez នឹងស្ថិតក្រោមការដឹកនាំរបស់គ្រូបង្វឹកប្រេស៊ីល Ze Ricardo ដែលធ្លាប់ដឹកនាំនៅក្លិបជាច្រើននៅប្រេស៊ីលដូចជា Botafogo និង Internacional៕